Seerat-e-Ummul Musaddiqeen Hazrata BiBi Ilahdaadi Rz ❤️
Ummul momineen aur ummul Musaddiqeen ka islam mein bada martaba hai. Allah taala💞 ne un par azeem ahsaan ataa karte huve nabiyoun, Rasooloun aur khalifathullah ke azwaaj-e-mutahrat mein un ka shumaar kiya. unhi azwaaj-e-mutahrat mein Hazratha Bi Bi Ilahdaadi Rz❤️ bhi hain. Hazratha Bi Bi Ilahdaadi Rz❤️ 855 H mein jaunpur mein paida huve aur 866 H mein Aap Rz❤️ ka nikah khalifatullah mubaiyin-e-kalaamullah Hazrath Meeran syed Mohammad Mehdi Maoud A.S💕 se jounpur mein hi huwa, Nikah ke waqt BiBi ki Umar 11 saal aur Hazrath MehdiA.S💕 ki Umar shareef 19 saal thi .
Bibi Ilahdaadi Rz❤️ ki zaat-e-mubarak tamam insani khoobiyoun aur ikhlaqi bulandiyoun se mamoor theen. Isaar, hamdardi, sabr, istiqamat, khuloos, mohabbat, Zuhad o taqwa, dayanatdari, khush khalqi, gharz Aap Rz❤️ ki seerat mein har woh sift moujood thi jo bargaah-e-rab ulizzat ne qabuliat ka darja rakhti thi. hamdardi aur insaaniyat ka yeh haal tha ke Aap Rz❤️ ke makaan se koi sahil bhi nakaam wapas nahi hota tha. jab tak baqeed hayaat rahen, daira ke tamam bhaiyoun ke khana waghera ka intizam karti thi. Bibi❤️ ke wasal ke baad se hi tamam cheezein chahe woh pukht se ho ya deegar suwait hoti theen. is liye Bibi❤️ ke wasal ke waqt tamam bhaiyoun ne kaha tha ke aaj hamari maa hum se juda ho gayeen. jis terhan maa apne bachon ka khayaal rakhti hain isi terhan Bibi Ilahdaadi Rz❤️ daire ke bhaiyoun ka khayaal rakhti theen.
Hazrat Mehdi Maoud A.S💕 Ne Farmaya Keh Jis Ne Bibi Ilahdati Rz❤️ Ki Khidmat Ki Woh Barguzidah Ho Gaya
Bi Bi Ilahdaadi Rz❤️ ka sab se azeem kar nama woh hai jo Aap Rz ❤️ ne apne shouhar Hazrath Mehdi Maoud A.S💕 pay jazbe ki halat mein khidmat ki hai woh sunehri alfaaz mein likhe jane ke qabil hai aur yeh khidmat ek din nahi ek hafta nahi ek mah nahi ek saal nahi balke taqriban 12 saal tak Aap Rz ❤️ ne khidmat ki hai. is 12 saal mein jo eesaar, khuloos o mohabbat, hamdardi aur sabr ka muzahira kiya is ko qalam pesh karne se qasir hai. Sultan Hussain Sharqi badshah-e-Jounpur salana khiraaj Raja dalpat ko ada karta tha. Hazrath Mehdi Maoud A.S💕 ne badshah se kaha ke Mata-e-islam hona jaiz hai Mata-e-kafir hona jaiz nahi. is par Sultan Aap A.S💕 se madad ka talab huwa. Aap A.S💕 ne Sultan ke sath Raja dalpat se jung ki aur apne hathon se Raja ka qatl kiya, is ka dil bahar nikal pada, Hazrath A.S💕 ne dekha ke jis ki woh pooja karta tha us ka aks is ke dil par tha. Hazrath ne dekh kar farmaya jab kufar o shirk ka yeh asar hai to touheed aur zikrullah ka assar kis qadar nah hoga. is waqiye ke baad Aap A.S💕 par jazba taari ho gaya jo 12 saal 872 H ta 884 H tak raha. Hazrath Mehdi Maoud A.S💕 ki seerat ke is ahem hissa mein khidmat se ek lamha bhi ghaafil nah rahen. namaz ke auqaat par har waqt wudu karwati theen, Meeranji haath dhoien, Meeranji muh dhoien, Meeranji paon dhoien. yeh Allah taala ki qudrat hai ke Hazrath Mehdi Maoud A.S💕 ne 12 sala jazbe ke douran saal kuch khaya hi nahi. is douran Bi Bi Rz❤️ zaari ke sath arz karti hain Meeranji kayi saal ho chuke hain koi ghiza Aap A.S💕 ke shikam mein nahi pohanchi hai kya haal hoga. Hazrath Mehdi Maoud A.S💕 jawab mein farmate hain jo kuch bande ki ghiza hai bande ko pahunchti hai. Bi Bi Rz❤️ ne is douran khane ka hisab kiya tho jumla miqdaar 17 sair hoti hai. is douran ki Bi Bi Rz❤️ ki khidmat khawateen ke liye ba'is-e-hidayat hai.
Jazbe ki haalat mein ek martaba Hazrath Mehdi Maoud A.S💕 ne isha ke waqt par pani talab farmaya, Bi Bi Rz❤️ pani leker anay tak Hazrath A.S💕 par phir jazba taari ho gaya aur Bi Bi Rz❤️ haath mein pani ka katora liye khari rahein ta ke hosh atay hi pani pesh kardoon. Fajar ke waqt jab hosh aaya to Hazrath A.S💕 ne dekha ke Bi Bi Rz❤️ pani liye khadi hain. Bi Bi Rz❤️ ki is ita'at ko sabr o khidmat ko dekh kar Hazrath A.S💕 ne wudu ke liye pani talab farmaya aur wudu farma kar duganah shukar ada kar ke Allah taala 💞 ki bargah mein Bi Bi❤️ ke haq mein dua farmayi ke Allah💞 jis tarha is aurat ne mujh ko khidmat se aaram pohunchaya hai is terhan is ko apne deedar se mehzoz kar. yeh shaan o martaba Bi Bi Rz❤️ ki hai. is jazba haq ke douran namaz ke waqt Bi Bi Rz❤️ daryaft kiya ke Meeranji kya haal hai. Aap A.S💕 sab jahan se be khabar rehte hain. Hazrath Mehdi A.S💕 farmate hain Haq taala💞 ki taraf tajallii ulohiyat pai darpai hoti hai agar in daryoun se ek qatra kisi nabi-e-mursal ya wali-e-kaamil ko diya jaye to tamam Umar usse koi hosh hi nahi rahe ga. Haq taala💞 ka mujhe farmaan hota hai ke aye syed Mohammad is wastay se ke hum ne tujhe Khatim-e-vilayat-e-Muhammadi ka mansab diya hai tujh se faraiz ada karwate hain. yeh hamara ehsaan o fazl tujh par hai.
Is nacheez Bande ne kuch galat likha hoo tho badi meharbani sahi karrien
Comments